De pädagogische Updrag geiht intwüschen richtig loos: Wi gaht up Schooltournee! Dormit de Kids (’n Woort, wat dat up Platt bloots in’n Pluraal geven deit) in Oostfrees-, in’t Ammer- und in’t Emsland, in Uelzen un üm Staad to endlich jemehr unschöön Ortssnack upgeevt un sik dat feine, dat eenzig wohre, nämlich dat Bremen-Noorder Platt to Egen maakt. So hebbt wi dat denn up jeden Fall verstohn… Un nu to den rock’n'rolligen Tourneeplaan:

Mo. 30.08. 9:30 Leer (M̦̦rkenschule) Р14:30 Auerk (IGS West Aurich)
Di. 31.08. 11:45 Westerstee (Robert-Dannemann-Schule)
Mi. 01.09. 9:00 Schippdörp (HRS Schiffdorf) – 13:00 Hambergen (Gesamtschule am Wällenberg)
Do. 02.09. 9:30 Uelzen (Herzog-Ernst-Gymnasium)
Fr. 03.09. Wiethmarschen (Schulzentrum Lohne)

Jüst so detaillierte Infos gifft dat ok bi use Frünnen vun Platt-is-cool!

In’e letzte Tiet sünd wi fÃ¥ken mit Mando Diao øver een KÃ¥mm scheert wørrn, nu weern wi øk nøch in’t sweedsche RÃ¥diø! ‘N Sennen øver PlÃ¥ttdüütsch un plÃ¥ttdüütsche Musik, in de “de køntrøverseste Bænd ut’n Nøørden” üm un bi een Drüddel Sennetiet kregen hett. Smucke Biller (søgør beweegte vun den legendären UrlÃ¥ub-Gig!) gifft dÃ¥t grÃ¥tis bøvenup. Wøneem? Hier!

… begins with an X!!! Veel Spaaß!
Bold live in Ollnborg, wieterseggen!

So as al seggt: Dat letzte Berlin-Kunzert 2010 bevör wi endlich mol Foffteihn maakt! Sünnovend, 17.07., Punkt Klock teihn (an’n Ovend) in’t fantastische Kiki Blofeld! Dat allens ok noch an’e frische Luft un mit Strand! Un bloots 1 bit 2 € üm rin to kamen!

Leve Fangemeen,
düsse Biller sünd nich direkt brandnee, liekers seht wi us in de Plicht se publik to maken. Dat geiht üm ‘n Interview, dat wi Enn März vör usen Uptritt in’t Ollborger Polyester mit de Jungs vun oeins maakt hebbt.
Wokeen in Bremen-Noord nich mit dorbi ween kunn, de kann sik dat hier noch mol ankieken, dat heet, tominst ‘n lütten Utsnitt: klick!

Sünnovend, den 12.06., geiht dat wedder direktemang trüch to de Wuddels – up de Bremen-Noorder Vulkan-Warft! Wi sünd sülvst neeschierig, mit wat vör ‘n Schuppen wi dor reken mööt, kann aver good angahn, dat dat teemlich spektakulär warrt. Wi warrt natürlich mehr denn je geven, vörher gifft’t noch Fußikieken, achteraf Fieree bit wiet över de blaue Stünn rut mit DJ Dragon. Wat mutt een weten? Naam: Bunker II – bombensicher; Datum: Sü., 12.06.2010 vun Klock 21 af an (wi fangt üm Klock 23 Uhr rüm an); woneem: Bunker C178, Am Werfttor 10, 28755 Bremen; Vorverkauf: HORIZONT, Alte Hafenstr. 27 28757 HB | KARTENKONTOR Zum Alten Speicher 9 28759 HB | SATURN bi Galeria Kaufhaus Papenstr. 5, 28195 HB, SCHAUFENSTER WORPSWEDE Marterburg 1-2 28195 HB or ok online up tnt-eventz. Wi freut us! Bit denne!

Twee Premieren: To’n eersten Mol live un dütmol nich bloots regionol in’t Feernsehn. In de familienfründliche NDR-Sennen Mien Namiddag mit Yared Dibaba un Kirsten Rademacher hebbt wi klöönt, vertellt un rappt! Wi harrn mol seggen bannig veel Spaaß!

Tonächst mol dat Gedööns (egent sik bannig good to’n Inleiden, dat hangt mol seggen mit de Tournee tosamen): de Jungs an’n Sünnovend to de beste Sennetiet in’t Sleswig-Holsteen-Magazin vun’n NDR; de Jungs vundaag in’e taz!
So, dat weer schöön! Velen besten Dank an all Lüüd, de to de Kunzerten kamen sünd, de dat up’e Been stellt, de holpen or de “Togaav” ropen (to’n Bispill in’t Urlaub!), de Beer or Kuffers dragen hebbt. Hebbt wi noch een vergeten? Ji weet, wokeen ji sünd, ‘n Söten vun De fofftig Penns! Un nu de Revue: Berlin – groot Malöör mit’n Sound un denn doch noch ‘n super Fier; Veern – Aller!; Ollnborg – wat weer denn DOR loos??? Nich to glöven!; Hamborg – “… dat beste Kunzert, dat wi bit nu geven hebbt.” (Riemelmeester Malde in’e taz); Vegebüdel – grootoordig Heimspeel in’n Hotzelont; Bremen – dat harr mit 100 Lüüd up 12m2 ok böös malören könen, nu weet wi eerst, wat “bannig kommodig” egentlich bedüden deit!; un nicht toletzt Kiel – de beste Loden mit den besten Besitter un de pornösesten (keen Spaaß!) Slaapkamern överhaupt! Dat nächste Mol maakt wi dat Weltruf vull, versproken Jens!
Denn hebbt wi natürlich noch ‘n poor Fodos vun düsse ganze Geschicht mitbrocht, un twaars hier! Nu denn, bit to de nächste Tour, mookt’t good!

Sebastian hett dat funnen! Lang hebbt wi dacht, de eerste DFP-Plaat (”DFP” mit Nomen) is al siet Johren nargens nich mehr to finnen, man nu is se annerletzt in ‘n Bremerhobener Platenloden wedder updükert. Un twaars in de Zeidung! Man seht sülvst! Wi freut us up jeden Fall up Adem sien Platenloden in de Krüüzbarger Nabarschop! Lütte Anekdote an’n Rand: Den olen Bagaluut hebbt wi mol bi de Fusion up’t Dack vun Tiede sien Wohnwogen kennenlehrt!

Wokeen bi’n grootoordigen Tour-Uptritt in’t Ollnborger Polyester nich mit dorbi weer, kriggt vundaag noch ‘n Schangs. De Weltsenner oeins warrt Middeweken, den 14.04., Klock 8 spektakuläret Bildmateriol to’n eersten Mol för elk un een togänglich maken. ‘N live-stream gifft dat hier!