Woans heet dat so schöön in de Press: De fofftig Penns “bewiest (…), dat sik Plattdüütsch bannig good to’n Rappen egent”. De fofftig Penns sünd dree bannig kommodige Jungkeerls ut Berlin (un… Hamborg), un twaars Riemelmeester Malde, Kommodige Jaykopp un Plietsche Torbän mit Nomen. De dree Muuskanten hebbt al tohoop in de Sandkastens vun Bremen-Noord speelt un köönt up üm un bi söss Johr Bandgeschicht trüchkieken. In’n Dezembermaand 2003 grünnt, geev dat vör den plattdüütschen Ãœnnergrund stantepee twee Superhits mit teemlich glieke nomen, “P.I.N.T.” un “P.I.N.T. (Jungkeerls)”. Dat Video vun’t toletzt nöömde Leed weer to kontrovers för dat Videoportal youtube un muss intwüschen wegmaakt warrn.

Nadem se denn erstmol schöön Foffteihn maakt harrn, hett sik de Band tegen dat Enn vun’t Johr 2007 wedder tohoopkleit un mit “Platt” ‘n Comeback-Single rutbrocht, de sik sehn laten kunn. Sietdem sünd Klassiker folgt, so as “Raven tegen Hoochdüütsch”, “Bannig kommodig” or “Watspasseert”. De “Fofftigs” verstaht ehr musik as plattdüütsch-antrasht vull-up-de-twölf Elektro-Hip-Hop-Geschranz, köönt avers ok teemlich good mit wat ruhigere Tönen un stumpe Technobeats leven. För de wohrschienlich beste Band ut Plattdüütschland warrt dat in de tokamen Weken, Maanden un Johren ünner dat plietsche Motto ‘n beten scheef hett Gott leev richtig losgahn.

Pressetext plus Fodos kann een sik hier rünnerladen.