|
Yes! Binnen een Week tweemol up Radio Bremen TV! Tonächst ‘n bannig kommodige Klönsnackrunn up Dirk sien Sofa in de Sennen Ansichten, kort achterna ‘n investigative Reportage över dat Privotleven vun de dree söten Jungs bi buten un binnen. Blifft bloots noch de Fraag: Wo kummt een up so ‘n Idee – mien Gott?!
‘N bannig goden Jung ut Kiel, ill-mannered. mit Nomen, hett doch wohraftig den eersten Remix up Grundlaag vun fofftige Musik tohoopklüütert! Anhöörn kannst di dat natürlich up use Mienplatz-Siet. Markt jo düssen Noom! Wi föhlt us bannig eehrt un freut up den 16. April in’n Kieler Weltruf, woneem wi tohoop mit den Maestro sülvst för musikaalschen Alarm tostaennig sünd. Veel Freud an düt akustisch Beleevnis!
Us Kunzert in Hamborg mutt leider verschoven warrn! Wieldat in’t Gängeviddel grod keen Veranstalten stattfinnen dröfft, mööt wi in’t Westwerk utwieken. Dat Datum verännert sik ok noch: Wi speelt nu an’n Freedag, 2.4.! Beginn Klock 20:30! Tohoop mit Ãœbergangsregierung. Wi haapt, dat ji liekers all kamen köönt!!!
Dat hett dat noch nienich geven!!! De fofftig Penns gaht dat eerste Mol up Plattdüütschland-Tournee un kaamt ganz seker ok bi DI vörbi! Wokeen De fofftig Penns huutnah un in Clubatmosphäre beleven will, wokeen bi de Stadiengigs in de Tokunft seggen könen will, he or se kann sik noch nipp un nau besinnen, wat vör nette Jungs dat fröher weren, as keeneen se kennen däh, de mutt bi de “Lütte Plattdüütschland Tournee 2010″ up jeden Fall mit dorbi ween! Bi’t drütte Kunzert kriggst ok ‘n Beer utgeven! Up den Fohrplaan staht Berlin, Rostock, Veern, Ollnborg, Hamborg, Vegebüdel, Bremen un Kiel, un wi dröfft us över nich weniger prominente Bühnkollegen as Testsieger (in Rostock) un Anda (in Ollnborg un Bremen) freun! Rümkamen! Rinjehaun!
EDIT: Dat Kunzert in Hamborg warrt verleegt: Wi speelt nich an’n 1.4. in’t Gängeviertel, man an’n 2.4. in’t Westwerk!!!
Is villicht al ‘n poor Weken her, aver wenn dat hier mol nich mol seggen ‘n bannig groten Star mit originol DFP-Megaphon in’e Hand is… Mehr smucket Bildmateriol gifft dat övrigens hier!
An düsse Steed mol buten de Reeg de Henwies achterna up schööne Kunzertaktivitäten: de Tower in Bremen (mol wedder) mit den teemlich affohrn Kollegen vun Schluck den Druck inkl. Stockfischklüteree un de Falken in Weimar mit ‘n eerst ‘n lütt beten trüchhollern Publikum, dat later aver kumplett ut Rand un Band weer, üm un bi dree Stünnen noch ‘n tweede Togaav föddert hett un de, so wat hett dat noch nienich geven!, ok noch kregen hett – hett echt wohr richtig bannig veel Spaaß maakt beidet! Velen Dank an all, de dat mööglich maakt harrn un de, de mit dorbi wesen sünd un orrig Party maakt hebbt! Wat de Stimmung angeiht hebbt beid Uptritten ‘n ganz besünnern Platz in use Harten seker! Bit to’t neegste Mol in DIEN Neegte!
De fofftig Penns vs. DJ Tiede an’n 23.12. in’t Bremen-Vegebüddler Horizont (Alte Hafenstr. 27)! Dat eerste Mol live to Huus! Vun acht af an warrt’t kommodig, tegen negen geiht’t los! Kost nix! Leider ahn Plietsche Torbän, dorför leggt sik DJ Kommodig un Riemelmeester Malde aver ok so richtig in’t Tüüg!
Heidrun Schlieker un Riemelmeester Malde geevt mit jemehr Reedschop an: Pogg-Handpopp un Mic, twee hellsche Wapen bi’t Fechten tegen Hoochdüütsch!
Hähhh?? Hier mehr lesen!
Moin tohoop!
Nadem de ne’e Websiet al kloor weer, müssen ji bloots noch up den ne’en Koopladen töven. Nu is dat endlich so wiet! Vun nu af an gifft dat för man bloots 12 Euro (2400 Penns) bannig smucke “Raven tegen Hoochdüütsch”-Shirts! Velen leven Dank ok an den grootoordigen Torsun , de us ahn groot Gewees verlöövt hett dat egotroonsch Hemd-Motiv natomaken. Is jo anners nich so us Stil, Saken namaken. Keen gor nich tegen Hoochdüütsch raven will, de kann noch jümmers up use Spreadshop-Siet vörbikieken üm villicht dor glücklich to warrn.
Beste Grötens,
De Fofftigs
Dat hebbt wi annerletzt in’t nedderlandsche Freesland beleevt (süh ok: Biller!):
An’n 31. Oktober geev dat in’t muggelige Leeuwarden ‘n Wettstriet för Leder in de Regionol- un Minnerheidenspraken vun Europa, dat “Liet International”, so ‘n Oort Pendang to den Eurovision Songcontest. Ölven Bands, ünner Annern Schotten, Ieren, Sarden, Samen, Karelier un natürlich (West-)Fresen weren dor mit dorbi, man ok ‘n plattdüütsche Grupp, un de heet tofällig De fofftig Penns! Dree Daag lang dröffen wi in ‘n bannig kommodige Kajüüt up ‘n Boot in de Gracht wohnen, wieldes wi Interviews geven, Soundchecks un Proven för’t Fernsehen maakt un de Seel ‘n beten bummeln laten hebbt. An’n Ovend vun’n 31. weer dat denn so wiet. Wi sünd villicht bloots achte worrn, man wi weren mol seggen de Winner vun de Harten. Dat is keen Snack, ehrlich wohr! Un dat hett allens sowieso al so veel spaaß maakt. Wunnen hebbt de söten Jungs un Deerns ut Lappland. Ãœm dat Procedere ganz kort to verklohrn: Jedeen Band hett sik een för de Jury mitbrocht, un düsse Jury hett an’t Enn Punkten vergeven. Use Mann för de Jury weer Thorsten Börnsen vun’t Plattbüro in Hamborg. Dank geiht nu nochmol ganz utdrücklich an de Plattdüütsch Stiftung Neddersassen, de us ganz düchtig stütt hebbt, wat de Reiskosten angeiht.